KRALENDIJK- Riba dia internashonal di mucha, a organisá un aktividat na ‘Parke den Stashi’, kaminda a presentá un videoclip; labamentu di man ku awa i habon.

Ta trata di un kantika kantá pa 8 alumno di skol spesial, ‘Unit Speciale Lesplaatsen-Voortgezet Onderwijs-Cluster 3 a’. Na e okashon, Diputado Nina den Heyer a dirigí palabra pa medio di un pantaya na e parke. El diputado a bisa ku a skohe 8 mucha pa presentá den e videoclip i e mensahe ta importante pa e yega tur kaminda.

Meta ta pa e yuda pa nos kuida nos mes i otronan. Esaki ta importante, sigur mirando ku último simannan, tabatin diferente kaso di pegamentu di otro ku e covid-19 na skol.  ”Mi ta un kampion si mi laba man ku habon. Sigui laba nan pa kuida boso mes i otronan”, asina e diputado a bisa.