KRALENDIJK- Fundashon KLAVE, djasabra anochi a organisá un aktividat karnavalesko. Durante e anochi SKAL a duna rekonosementu na 2 persona. Ta trata di †Patricio Thomas i su famia tabata presente. E otro persona ku a keda rekonosé e anochi, tabata Felix (Papito) Thomas, kende koleganan a entrega un rekonosementu. 

E anochi a presentá dos agrupashon musikal, kantando tumba i ‘Road Fire’. Agrupashon musikal Payola i Orkesta Diamond a toka e anochi. Diferente persona, entre nan vários rei di tumba a kanta. Tabatin algun karnavalista disfrasá tabata balia, promé finalista i Reina di karnaval.

Robert Sances a papia i a splika e meta ku nan tin pa duna honor na diferente persona. Patricio Thomas ku tabata un  baluarte di karnaval. E tabata maestro di seremonia, bon konosí pa esaki. Famia presente a tuma e rekonosementu i e yu a dirigí palabra, gradisiendo KLAVE i gobièrnu. 

Rekonosimentu

Koleganan di SKAL, a rekonosé nan hefe di trabou, Papito Thomas, pa su bon trabou di semper. Papito a bisa na e okashon:” Nos ta un bon tim i ta traha den bon harmonia i mi ta apresiá masha ku nan a rekonosémi awe.”