KRALENDIJK- Djasabra 2 di aprel kura di L.V.V. tabata kan kan di hende. Tantu mucha i adulto tabata na e sitio menshoná, pa tuma nota di e produktonan ku tabatin pa ofresé. Sigur un éksito rotundo.

Hopi hende tabata komentá e bon trabou ku Maurice Adriaens ta hasi pa duna e servisio akki u empuhe. Bishitantenan por a kumpra un kantidat di sorto di mata pa bende for di esun di fruta, yerba, berdura i flor. Pa kome tabatin kantidat di kos, hende por skohe di nan deseo.

Ambiente

Na final di e dia di aktividat, Foyan Boys a pone bon ambiente i apesar di nos dushi kayente di solo, e hende no por a sinta òf para ketu un kaminda. Un ta topa otro i saludá otro. Un aktividat ku ta laga e hende topa ku esnan ku hopi dia e no a mira. E pregunta a keda:”ki dia ta organis’é atrobe i mare pronto…