KRALENDIJK- E kantante konosí di orígen kurasoleño Izaline Calister ta bini Boneiru huntu ku e teklista Thijs Borsten pa deleitá e públiko ku e presentashon teatral ‘Isla di mi tata’. E presentashon ta tumá luga djaweps 9 di yüni na Plaza Hotel Bonaire 5’or i mei i 8’0r.

E magia di Kòrsou ta bai bria den e sala pa medio di kantika, imáhennan i kuentanan eksepshonal di Izaline su tata. Entretantu Izaline su tata a fayesé pero pa medio di e obra di teatro aki su anekdotanan ta keda bibu. Tantu músika di Izaline mes komo músika di entre otro e  kompositor popular Yu di Kòrsou Rudi Plaate i e musikonan tradishonal di Tumba ta bai zona.

Idioma

E presentashon teatral ‘Isla di mi tata’ ta na Hulandes ku kantikanan na Papiamentu. Karchinan ta na benta na balor di 30 usd na Bottles i Del Mar Boneiru. Tin un kantidat limitá di karchi disponibel kemen no tarda.