PARAMARIBO – Èks-presidente di Sürnam  Desi Bouterse mester responsabilisá su mes den korte di apelashon pa su ròl den ‘Decembermoorden’. Huntu ku Bouterse ta bai husga kuater sospechoso mas.

Korte militar di Sürnam a sentensiá Bouterse na fin di 2019 pa binti aña di prisòn pa motibu ku e no tabata presente. Nunka e no tabata aparesé den seshonnan di korte. Kasi mésora despues di su sentensia Bouterse a anunsiá ku e lo bai apelá. Tres wes lo bai atende e kaso i lo ta otro wes ku esunnan ku a dikta e sentensia.

E kaso ta trata morto di sinku oponente polítiko di Bouterse. A asesiná nan 8 di dezèmber 1982 den Fort Zeelandia na Paramaribo. Bouterse ta e sospechoso prinsipal. Na momento di e matansa e tabata lider di e régimen militar di Sürnam.