KRALENDIJK – A dura largu, pero a habri Karel’s Pir Dos ofisialmente. For di siman ku a kaba a yama e promé wéspetnan bonbiní. Pir Dos ta bai ofresé e kliente un konsepto nobo.

Anteriormente tabata parse ku e bandera lo tabata waya mei mei di luna di mei. Lástimamente pa e doñonan nan mester a para mira ku Entidat Públiko di Boneiru a laga kita e kaminda pa subi ku man duru. Segun outoridatnan a konstruí esaki riba tereno di gobièrnu. E subida tabata hasi posibel por ehèmpel pa laga personanan ku desabilidat kore subi e plató

Un trapi di palu ta duna akseso for di kaminda públiko pa Karel’s Pir Dos.

Trapi di palu

Na e momento aki Karel’s a skohe pa konstruí un trapi di palu. Den un reakshon nan ta informá: “Pir Dos ta habrí. Nos ta yam’é un ‘soft opening’. E trapi ku nos a konstruí awor akinan, ta poné akinan riba konseho di gobièrnu. Lástimamente e trapi aki no ta hasi posibel pa personanan ku desabilidat òf wig di beibi subi aki riba. Nos ta spera ku den futuro si nos ta haña pèrmit pa konstruí algu”.

Outoridatnan a laga sa ku ta bini despues ku un aktualisashon por eskrito tokante e trapi nobo ku tin awor na Karel’s.