KRALENDIJK- Segun autor Delno Tromp, kende a presentá su buki más nobo ‘Duizend achthonderdtweeënveertig’ (Mil Ochoshentikurantidos Dos) djadumingu atardi pa konmemorá 150 aña di abolishon di sklabitut abitantenan di Boneiru ainda mester traha ainda pa liberashon di loke el ta deskribi komo ‘sklabitut mental’.

“Ta berdat ku awe nos ta hende liber sin kadena físiko. E lucha pa yega na e punto aki tabata pisá. Pero sin duda, mester sigui traha pa liberashon di sklabitut mental,” Tromp a bisa komo introdukshon riba e buki.

E buki lo ser repartí na estudiantenan di tur skol sekundario. “Ta importante ku nos hubentut risibí lèsnan detayá tokante historia, pa nan sa ku tabata na Slagbaai, kaminda e promé hende ku a ser hasí katibu a ser hiba na tera.”