PARAMARIBO – Na momento ku un buelo di KLM prosedente di Amsterdam a baha na aeropuerto Zanderij di Sürnam un tayer a rementá.

Posiblemente esei ta konsekuensia di ráfaganan fuerte di bientu. Pa e motibu ei  e avion, un Boeing 777-306(ER) ta pegá kaminda e avionnan tin ku lora bira riba e pista di aterisahe. Riba e pòtrètnan por mira ku no ta por lo ménos un tayer so ta flèt, pero ku e otro tayernan tambe a sufri daño.

No tabatin herido. A hiba tur pasahero seif terminal. Pasaheronan ku mester a bai ku e buelo ei a sea bai kas bèk òf a akomodá nan den hotèlnan ku tabata disponibel. Te ku ayera nochi e aeropuerto di Zanderij tabata será.

Ta investigando si e kondishon tékniko di e pista di aterisahe por a hunga un ròl. Pa e motibu ei KLM tabatin algun tempu kaba ku e no ta bula ku karga pa Sürnam, pero segun un informante a solushoná e problema ei anteriormente kaba i ku tin algun siman ku KLM ta bula ku karga pa Sürnam.