Camiel Eurlings komisario nobo na BIA

Kralendijk- Eks presidente direktor di KLM, Camiel Eurlings, lo bira komisario na aeropuerto BIA, entrante promé di ougùstùs awor.

Eurlings a wòrdu skohé despues di un prosedura largu kaminda mas ku 60 hende a solisitá. Segun BIA ta bisa, Eurlings tin eksperensia relevante pa aeropuerto, entre otro riba tereno di aerolínea, pero tambe ora ta traha den trabou nan di supervision i komisariado. Den pasado Eurlings tabata minister na Hulanda di parti di CDA, den kabinete Balkenende.

Eurlings pa algun aña tin un kas na Boneiru kaba. Sinembargo, e no ta biba na Boneiru si.