ARNHEM – E hòmbernan di kareda di relevo riba 4×100 meter tin mag di bai Weganan Olímpiko na Paris tòg. Esei e Union di Atletismo a konfirmá na momentu di a anunsiá e selekshon olímpiko kompleto. Esei ta nifiká ku koredó Churandy Martina (40) por prepará su mes den su aña di despedida pa su di seis Weganan, den un ekipo ku  Taymir Burnet, Elvis Afrifa, Xavi Mo-Ajok, Nsikak Ekpo i Onyema Adigida.

A parse resientemente ku e speransa di e koredónan a pasa pa olvido, despues ku  Botswana a kore mas rápido na e kampeonatonan Afrikano i a tuma e di djesseis lugá krusial di Hulanda riba e klasifikashon mundial.

Djadumingu Martina tabata mustra optimista kaba despues di su último wega individual na FBK Games. “Mi a averiguá tur regla i mi ta pensa ku a base di esei mi por bai. Pero ta otro hende ta tuma desishon finalmente i nan no ke bisa nada ainda, pues ofisialmente mi mester warda ainda.”

Pa e atletanan e Weganan Olímpiko ta kuminsá dia 2 di ougùstùs.