RINCON – Despues di un promé konsierto di Pasku di éksito na Playa, Classical Music Board Bonaire (CMBB) ta mira bèk ku plaser patras riba e di dos konsierto di Pasku pa e aña aki, ku a tuma lugá na iglesia di San Luis Beltran na Rincon.

Tabata tin presentashon di mas entre otro e kor di mucha San Franciscus di Asis, e grupo Amancio & Friends, pianista Dimar Kalma, organistanan Franklin Scherptong i Marian Passchier, Alan Bowen, Bradley Howard i pianista Claudia Cassier.

E konsierto a sera ku un diskurso kòrtiku di parti di pastor Baak.