KRALENDIJK – Defensor di pueblo ta hasi un yamada riba habitantenan di Boneiru pa partisipá na enkuentronan ku ta organisá na Boneiru sin ku mester traha sita adelantá. Di djarason 28 di febrüari te ku djasabra 2 di mart representantenan di Defensor di pueblo lo ta disponibel pa yuda ku problemanan ku ta relatá ku instanshanan di gobièrnu, manera polis, Ministerio Públiko i otro órganonan di gobièrnu.

E enkuentronan ku ta grátis, ta duna e habitantenan e oportunidat pa hasi pregunta òf entregá keho. Nan ta tuma lugá na e siguiente sitionan:

• Jong Bonaire
  • Djarason, 28 di febrüari, di 9:00 AM te 11:30 AM
  • Djasabra, 2 di mart, di 9:00 AM te 11:30 AM
• Fundashon Cocari na Rincon
  • Djaweps, 29 di febrüari, di 2:30 PM te 4:30 PM

Defensor di pueblo ta enfatisá ku e enkuentronan ta aksesibel pa tur hende i ku ta ofresé asistensia den Hulandes, Papiamentu, Spañó i Ingles.