DEN HAAG- Awe diputado Nina den Heyer i direktora di Samenleving en Zorg, Sirvana Servilia a firma diferente akuerdo ku e ministerio.

Entre otro a firma un akuerdo di kolaborashon pa area di “leerplicht” i a siguí elaborá riba e topiko di biblioteka, archivo nashonal i posibel konbenio kultural.

Tambe Den Heyer i Servilia bishitá Archivo Nashonal kaminda a mustra algun dokumento i mapa di Boneiru di siglo 18. Segun Den Heyer a splika, e intenshon ta pa bai traha riba un akuerdo pa loke ta trata archivo digital.

Tambe e diputado i direktora a bishitá un eksposihon tokante prome añanan despues di segundo guera mundial.