WILLEMSTAD- Fin di siman pasá Pedro Luis Brion School, Kolegio Donsarto, Nos Regaonan Balioso, and Future Kids a sera konosí ku e trabou na e basi di United States Forward Operating Location (FOL), ku ta keda serka di aeropuerto Hato di Kòrsou. 

FOL ta empleando masomenos 50 hende na Kòrsou. Un gran parti di nan tabata involví den e tur spesial ku a prepará pa e muchanan di skol. A mustra e muchanan diferente aspekto di e base, i tambe diferente hèrmènt i ekipo ku ta usa. 

Loke hopi mucha a haña e parti mas interesante, tabata pa mira kon ta ‘baña’ e avionnan despues di uso. Tambe e kuerpo di bomber a duna un demonstrashon den pagamentu di kandela. 

Gradesido

Segun gobièrno di Merka, nan ta agradesido na gobièrnu na Kòrsou pa e koperashon durante hopi aña pa kombati transporte internashonal di droga i tambe kriminalidat internashonal. FOL ta bisa ku pa nan ta un placer pa duna un splikashon di nan trabou. Gruponan ku ta interesá pa hasi un visita na e base, por mèldu nan mes na FOL.