KRALENDIJK- Kolegio Ehekutivo di Bonairu riba dia di San Valentino a parti rosa pa tur empleado di Gobièrnu di Boneiru, pa asina mustra nan apresio pa nan kontribushon balioso na e organisashon.

“E esfuersonan di kada un empleado ta fundamental pa e éksito di nos trabounan ku na su turno ta kumpli ku e meta pa sirbí nos komunidat. Nos deseo ta pa di e manera aki tambe stimula e sentimentu di trabou den tim i empatia pa ku otro”, asina Kolehio Ehekutivo ta bisa di e akshon.

E tres diputadonan personalmente a pasa na e váriso servisio i departamentu pa entregá e flornan i a probechá di interkambiá brevemente ku e empleadonan ku nan a topa den nan gira.