Kralendijk- Djaluna a habri ku 4 kaso positivo nobo di Covid-19 na Boneiru. Na tur un kantidat di 28 hende a bai pasa tèst djadumingu, di kual dos a resultá di ta positivo.

Ya ku 2 hende a rekuperá, e kantidat di kasonan eksistente a subi na 24. Ainda no tin ningun hende den hospital pa motibu di símptomanan relatá na Covid.

Den dianan benidero mester sali na kla si a logra frena e kresementu mas resien den kasonan di Corona, òf ku esaki lo sigui krese i lo kousa ku mester implementá medida mas stringente atrobe. Boneiru a keda na nivel di riesgo I, despues ku a kantidat di kaso di Covid riba nos isla a baha drástikamente i kaminda kasi 80% di e poblashon adulto ta bakuná kaba.