Door Caribisch Netwerk | Sam Jones

‘Mondi’, e di dos buki di mucha di Milouska Meulens, ta basta popular kaba.
Mucha koló skur na Hulanda ta rekonosé nan mes den e buki, i otro hende ta sera konosí ku kultura di Kòrsou

Kiko nan ta haña na e skol Crescendo di e buki ‘Mondi’? (Video na hulandes: Sam Jones)

E buki di mucha ta den tòp sinku di Hulanda. “Pa mi esaki sí ta importante. Mas ku ganadó di premio Nobel i mas ku ganadó di Gouden Griffel (premio hulandes pa bon buki di mucha) di e aña aki”, e eskritor kurasoleño ku ta biba na Hulanda, ta reakshoná entusiasmá.

Pero loke berdaderamente e ta haña spesial, ta ku ta nèt e muchanan ku e ker a alkansá ta lesa e buki. Den su promé buki ‘Elin’ un mucha muhé koló skur tabata sentral. ‘Mondi’ tambe el a skibi por di un propio perspektiva karibense. Pero tin mas, Meulens ta konta.

Mondi ta trata di magia, brua, spiritualidat, relato místiko. Ta relato ku mi antepasadonan a trese for di pais afrikano. Ta importante na Kòrsou. Tur hende tin algu ku esaki. Sea ku bo kere òf laga.

E editor Volt Kinderboeken ta mira e bukinan di Meulens komo un komplemento wèlkòm di e kantidat muchu chikí di buki di mucha diverso na Hulanda’, Kelly Roos di e kas di publikashon ta bisa. E outor mes ta mir’é komo un komplemento di e herensia kultural inmaterial. Si, ta esei mi tabata ke. Ta nos kultura kolektivo.”

Roos ta ferwagt ku ‘Mucha hulandes ku Mondi – kisas pa promé bia – ta sera konosí ku Karibe. I espesialmente ku mucha karibense lo rekonosé nan mes den e protagonistanan. E buki ta na hulandes. Pero e tin palabra na papiamentu tambe. E tradukshon, splikashon i e pronunsiashon korekto ta pará aserka. Dies página.

Den enseñansa ainda tin muchu poko atenshon pa e islanan karibense. Mondi nèt ta duna un bista di e bida di mucha na Kòrsou, Roos ta bisa. “E splikashon ta enkurashá alumno pa hasi pregunta na skol tokante kon interesante i kompliká Reino Hulandes ta.”

Meulens ta spera ku nan lo lesa su buki na e islanan. E tei awor, i entre otro riba 19 di novèmber e ta firma su buki na Kòrsou.

Primisia buki di kuenta di adaMilouska Meulens eksklusivamente ta konta nos ku e ta skibiendo un di tres buki kaba. “Esei lo bira un buki di kuenta di ada. Mi ta bai konta kuenta di ada manera nunka promé bo no a tende.” Halle Bailey E inspirashon el a haña di e reakshonnan masha entusiasmá di mucha koló skur ora nan a tende e anunsio di Ariël den Disney su filmashon nobo di ‘E mamparia kutu chikí’. E papel prinsipal ta bai pa un aktris koló skur, Halle Bailey. Di repente tabatin un prinsesa di Disney ku parse nan.“Ora mi a mira e reakshonnan kontentu di tantu mucha, m’a pensa: asina tin masha hopi kuenta di ada ku por haña un aparensia nobo.”Tòg e no ke keda pegá den ‘asuntu di pretu ku blanku’. “Mi ta bai skibi kuenta di ada den kua tur mucha por rekonosé nan mes, mira nan mes komo prinsesa òf prens riba kabai blanku. Komo e héroe òf e hèks.”Ta planea e edishon pa òktober 2023, rònt di e temporada di siman di buki di mucha.