KRALENDIJK – Praktikantenan di deporte akuátiko por a gosa fin di siman tur ku tin di e bientu duru ku tabatin. Djasabra a midi no mas ku 31 nudo di bientu. Spesialmente windsùrfista- i kitesùrfistanan a gosa na nan antoho.

Fin di siman ku a pasa un bientu di ost fuerte tabata supla riba e isla. Despues di e kambio di bientu di e siman anterior, esaki tabata un alivio pa e praktikantenan di deporte akuátiko. Mesora nan a bini direkshon di playanan di Boneiru den nan tempu liber pa bai kore boto. Riba playanan di Sorobon tabata un baibin di otro mundu. Hopi mucha i adulto a hür un planki di rf di un di e skolnan di windsùrf i a drenta awa.

Tambe por a mira hopi muchanan fanátiko ku tabata windsùrf den awa fin di siman ku a pasa.

Lèsnan no a sigui 

E kitesùrfistanan tambe por a gosa.  Sierto momento tabata asina drùk riba awa, ku tabata parse komo sifuera e espasio entre e dos buinan tabata muchu chikitu pa hasi deporte seif. E bientu duru tabata pèrkurá si ku tabatin olanan grandi. Ta p’esei lèsnan ku tabata planiá pa djadumingu no por a sigui.

Durante dia tabata bira ora pa ora mas drùk riba e playa di kitesùrf wikènt ku a pasa 

Pronóstiko di bientu 

Por gosa di e bientu duru ainda te ku djaluna. E velosidat di bientu lo ta e ora ei ainda 25 nudo. Djamars e bientu ta bira ménos i riba djarason e lo ta maksimal ocho nudo. Lo mester warda te den fin di siman benidero, kaminda bientu lo oumentá atrobe.