KRALENDIJK- Alrededor di 12 or di mèrdia riba djaweps 15 di febrüari, a tene un kòntròl di tráfiko riba Kaya Internashonal. 

Aki a para i kontrolá 8 vehíkulo, di kua 1 skuter. Durante e kòntròl a resultá ku un di e vehíkulonan no tabata sigurá i e shofùr no por a mustra un reibeweis bálido. Pa e motibu aki e shofùr a haña but.

Riba djárason 14 di di febrüari, 5.30 or di atardi a tene un otro kòntròl di tráfiko riba Kaya Nikiboko Sùit. Aki a para i kontrolá 25 vehíkulo, di kua 12 shofùr a haña un but.

But

A parti un total di 12 but durante e kòntròl aki, di kual 11 pa motibu ku no tabata tin faha di seguridat bistí un but pa korementu ku celular den man. 

En konekshon ku Dia di San Valentino, a sorpresá e shofùrnan ku a kore pasa ku un rosa komo èkstra atenshon riba e dia spesial aki.

Dokumento

KPCN ta hala atenshon di un i tur pa nan tin e dokumentunan nesesario, na òrdu. Tambe ta konsehá estriktamente pa kumpli ku e reglanan di Lei di Tráfiko. Ku esaki bo tambe ta kontribuí na un tráfiko seif i sigur riba e isla.