Kralendijk- Pa djaluna atrobe no tin kambio den e kantidat di kasonan aktivo di Covid-19 na Boneiru. Solamente 4 hende a pasa pa tèst djadumingu, di kual niun no tabata positivo.

Ya ku niun hende a rekuperá ainda, e kantidat di kaso aktivo a keda na 4. No tin ningun hende interná den hospital pa motibu di Covid.

Gobièrnu ta keda hasi un apelashon riba tur hende ku ta sinti algun síntoma ku por mustra riba Covid, pa pasa tèst.