DEN HAAG/KRALENDIJK – E miembronan di Kolegio Ehekutivo Clark Abraham, Nina den Heyer i Anjelica Cicilia a biaha pa Den Haag pa un bishita di trabou amplio na Hulanda.

Siman pasá nan a hiba kòmbersashon ku diferente ministerio, órgano di ehekushon i stakeholder, entre otro e ministerionan di Asuntunan Interno i Relashonnan den Reino, Asuntunan Sosial i Empleo tokante diferente tòpiko di interes general.

Tambe a hiba kòmbersashon ku ministerionan di Enseñansa, Kultura i Siensia, Infrastruktura i Maneho di Awa, e kompania di transporte públiko GVB, Greenpeace etc., tokante vários tópiko ku ta di interes pa Boneiru.

A toka otro topikonan tambe manera bibienda pagabel, supsidio di hür general, desaroyo kontinuo di Biblioteka, Transporte Públiko, maneho di awa, maneho finansiero i finansiamentu.

Bruselas

Den e siman binidero diputado Cicilia ta na Den Haag ainda i lo sostené kòmbersashonnan den kual lo sigui elaborá riba topikonan ariba menshoná, miéntras ku diputado Abraham ta biaha pa Brussel pa reunionnan di Union Oropeo ku e Teritorionan Ultramar.

Konferensia Kòrsou

Entretantu diputado Den Heyer a biaha bai Kòrsou pa un konferensia di trabou i den e siman binidero e lo yega Boneiru bèk.