Gobièrnu

Konseho na OLB: Independisá haf

Impresion di trabounan di mehorashon na e pirnan eksistente. Potrèt: Gobièrnu di Boneiru.

Kralendijk- Segun un rapòrt ku a traha pa Gobièrnu di Boneiru pa e kompania di konsùltent ABDTOPConsult ‘Kleinschaligheid verdiendt ondersteuning’, mester konsiderá fuertemente pa independisá haf.

Segun e rapòrt, tin oportunidat di manehá haf di Boneiru di un manera rendabel, pero mester restrukturá e manera ku esaki ta wòrdu manehá. Na lugá di laga haf sigui funshona komo un servisio di OLB, Havendienst’, lo mester independisá esaki i hasiele un kompania (N.V.) di gobièrnu.

Tarifa

Tambe, segun e rapòrt ta skibi, lo mester bin ku un struktura di tarifa nobo. Segun e konsùltent, e koperashon ku Haf di Amsteram a kuminsá duna su frutanan, pero meter sososedé mas kos i mester profundisá koperashon entra di e haf i hafnan na Europa.

Tambe ta importante pa gobièrnu implementá reglanan nobo pa haf, e asina yamá Havenreglement. Segun ABDTOPConsult ta skibi, sin ku esaki wòrdu adoptá pa nos Konseho Insular, no por kaba di idependisá e haf.

Invershon

Den añanan tras di lomba a invertí bastante den mehorashon di infrastruktura di haf, i spesialmente e pirnan eksistente. Konstrukshon di un haf nobo, sea na Hato òf otro kaminda riba nos isla, ketu bai ta un batata basta kayente. Tin hende ku ta pro un haf kompletamente nobo, espesialmente pa karga ku ta yega e isla, pero tin hopi otro ku ta kere ku simplmente hasi mihó uso di fasilidatnan ku tin kaba i ku konstrukshon di un haf nobo ta kompletamente inesesario.

Deel dit artikel
Rocargo
Rocargo
Rocargo
Rocargo