Kuater infekshon nobo pero total ta baha algu

Kralendijk- Tin 109 kaso aktivo di Covid-19 na Boneiru djadumingu 12 di sèptèmber 2021. Di e 51 resultadonan di tèst ku a drenta 4 a resultá di ta positivo.

Segun Entidat Públiko, di kasi tur e personanan ku a tèst positivo e fuente ta konosí. Ta trata un mayoria di habitante di Boneiru.

Tin dos persona den hospital ainda pa motibu di Covid. Na otro banda tin 9 hende a rekuperá di Covid-19, poniendo ku e kantidat total a baha levemente na 109 kaso aktivo.

Mester remarká si ku ménos hende a bai tèst ayera, kompará ku normal.