KRALENDIJK – For di 1 di yüli 2023 Gobièrnu a kuminsá ehersé trabounan di mantenshon i rekonstrukshon na dam-, roinan i strukturanan di desague na diferente parti di e isla. Den e fase inisial a kita rama i shushi pa asina por haña un mihó bista di e kondishon di e dam- i roinan. Seguidamente ta bai adaptá i/òf rekonstruí e profil di e dam- i roinan pa por garantisá funshonamentu efektivo di e dam- i roinan.
Na mes momentu lo pone énfasis riba e pipanan pa kanalisá fluho di awa. Lo trata di kousa ménos molèster pa públiko durante di ehekushon di e tareanan aki. Por tuma nota ku por ehèmpel a atendé ku e kloaka na altura di Kaya Krabe i Kaya Andres A. Emerenciana durante di wikènt tras di lomba.
Diputado Thielman ta indiká: “Ta importante pa ehersé trabounan di mantenshon regularmente pa prevení ku e roinan i damnan ta yena i basa afó . E meta ta pa den luna di yüli i ougùstùs atendé ku tur e damnan i roinan rònt di nos isla i pone nan den bon estado. E damnan ku lo risibí atenshon ta e damnan ku ta forma parti di e 4 áreanan di mas importante di e sistema di desague riba nos isla.
Den e simannan binidero ta bai atendé ku e siguiente roi i strukturá di desague.
Gobièrnunan ta praktiká ku kòntròl di derame di krudo den haf di Kralendijk
Aerolínea Azul ta bishitá aeropuerto di Kòrsou
Coffie optimista despues di bishita di sekretario di estado Huffelen
General Catering na Kòrsou ta selebrá su di 50 aniversario
