KRALENDIJK- Djaweps mainta a tuma lugá konferensia di prensa na nòmber di Prins Bernhard Cultuurfonds Caribisch Gebied. 

Na e okashon tabata presente, Lara Chirino i Melanie Sloot. Nan a elaborá riba e lokèt di konekshon di Rijkscultuurfondsen i Prins Bernhard Cultuurfonds. ta un lokèt kaminda instansia i desaroyadó lokal  di arte i kultura / naturalesa por bini pa haña informashon tokante kolaborashon ku Rijkscultuurfondsen i Prins Bernhard Cultuurfonds. 

Melanie sloot, Chef de bureua van Prins Bernhard Cultuurfonds Caribisch Gebied, a papia tokante e meta, pa loke ta trata arte i kultura pa hende di tur   isla di ántes Antia. E sentro ta na Kòrsou i na Boneiru, Lara Chirino, ta atendé, kende ta Bestuurslid Prins Bernhard Cultuurfonds Caribisch Gebied. 

Sèn no ta yega akibanda

“Na yanüari nos a kuminsá  atendé e proyekto aki, pasobra tin sèn ku mester yega aki banda, sinembargo e no ta yega. E gruponan òf tambe individual, por atendé ku nos pa sa kon por logra pa yega na e sèn ku tin destiná pa arte, kultura i naturalesa. Si tin un grupo por tuma kontakto ku nos pa ayudo” asina Chirino ku Sloot a bisa. 

Ta resultá ku hopi hende na nos islandan no sa di e posibilidat pa bin na remarke pa e sèn aki for di Hulanda. “Pesei ta dunando informashon, kaminda ta bai splika tur loke ta nesesario pa logra e parti finansiero,” Sloot a bisa.