WILLEMSTAD/KRALENDIJK – Un promé grupo di piloto di aerolínea Z Air ta siguiendo aktualmente e entrenamentu den simulador na Brazil pa prepará nan pa e dos avionnannan djèt nobo di e tipo Embraer-140. E avionnan lo drenta servisio den simanan ku ta biniendo. 

E dos djètnan nobo lo ampliá di forma signifikativo e alkanso di e aerolínea, ku vuelonan regular pa Sint Maarten i ku oumento di buelonan pa entre otro Colombia.

Ounke direktor di Z Air René Winkel no por indiká un fecha konkreto ainda riba kua lo tuma e dos avionnan nobo den servisio, ela  indiká ku tur kos ta kanando segun e planifikashon. 

Mas stul i mas spit

E avionnan Embraer-140 tin 44 stul riba bord. Aparte di bula por mas leu, e avionnan tambe por bula mas lihé ku e avionnannan Saab ku Z Air lo sigui usa ta bula primeramente entre e islanan ABC.