Kralendijk- Ni 24 ora despues ku gezaghèber Edison Rijna a anunusiá un suavisashon di medida i un bahada di en nivel di riesgo di kategoria 4 pa nivel di riesgo kategoria 3, tin 6 kontagio nobo di Covid-19 den un solo tiru.

Hopi hende no ta realisá ku e sifranan ta hopi mas negativo ku ta e kaso na Kòrsou kaminda ku den mas ku 600 hende ku a tèst, tabata dos dia konsekutivo sin un solo kaso nobo di Covid-19, kaminda ku na Boneiru den apenas 36 hende, a sali 6 hende positivo. Esaki ta un porsentahe positivo di 17%.

Hoben

Dr. Marina Luinstra-Passchier ayera a indiká ku awor tin kontagio nobo voral bou di hobenan rondó di 20 aña. “Ya pa basta dia no ta mira un solo kontagio den e grupo di hende riba 60 aña’, asina Luinstra-Passchier a bisa. E dòkter a agregá ku ta nèt hendenan relativamente yòn de e kategoria di 20 aña bai ariba, tin hopi kontagio nobo. Segun e dòkter a bisa, hopi biaha komportashon iresponsabel, manera hasimentu di fiesta ámbos bou di hoben lokal i esnan ku ta bishitá ta kondusí na un situashon kaminda un solo hende, ta afektá hopi otro hende.