Kralendijk- Tin 17 kaso aktivo di Covid-19 na Boneiru for di djarason 28 di yüli 2021. Di e 235 resultadonan di tèst ku a drenta seis a resultá di ta positivo.

E kantidat di tèst ta haltu pasó ta tèst tur pasahero ku ta bini for di paisnan di riesgo hopi haltu despues di sinku dia di nan yegada. Di e personanan ku a tèst positivo sinku ta lokal i unu ta un bishitante. Sinku persona a rekuperá di Covid-19.

E sifranan di dia ta mas lat aktualmente. Na promé lugá dor ku ta tèst muchu mas hende, pero tambe dor ku di e blackout ku tabata azotando Boneiru ayera. Esaki ta pone ku hopi kos a atrasá, entre otro publikashon di e sifranan di kontagio di Covid-19.