KRALENDIJK- Djabièrnè atardi, despues di un periodo largu di negosashon i tin biaha tenshon, a logra firma e CAO nobo pa empleadonan di Selibon. 

Diferente persona a hiba palabra, promé ku e firmamentu, entre otro Cherrel Kwidama komo presidente di AFBW, pero tambe Rudsel Leito komo direktor di e kompania di gobièrnu. 

“Awe ta un dia grandi, pasobra nos ta firma un CAO nobo ku ta dura 3 aña. Un CAO ku trahadónan a bai hopi dilanti. El a dura un temporada, pero trahadónan por ta orguyoso di loke nan a logra. 2023, no bai tin masha negoshashon. E CAO ku nos ta firma awe, un ku tur kos den dje. Algu grandi ta sosodé awe na bienestar di trahadónan”, asina Kwidama a trese dilanti.

Akuerdo 

Rudsel Leito di su banda tambe a papia di un dia grandi. “Un gran dia pa trahadónan di Selibon. Trahadónan ta bai hopi dilanti ku esaki. Tabatin hopi bai i bin, pa a yega na e akuerdo pa e CAO, pero nos a yega si”, asina Leito a trese dilanti. .  Awor nos ta bai pa dilanti, sigui engrandese SELIBON N.V. den e kuadro aki. Pabien”