KRALENDIJK – Ounke ku e espektativamenta pa di e 35 aniversario di Dia di Rincon tabata grandi kaba, Dia di Rincon 2024 a logra superá su mes den tur sentido.

Esaki a kuminsá ku hopi aktividat mes, komo preparashon pa e dia mes, ku kasi un luna yen aktividat, ku a keda bishitá pa hopi hende e aña aki. E parada den bisti tradishonal tabata mas grandi ku nunka antes, ku mas grupo ku nunka antes. Tambe e gruponan a bira notablemente mas grandi, kaminda prinsipalmente e grupo TCB Family & Friends a sobresalí den grandura.

Kuminda

Mayoria bendedó di kuminda i bebida lo no tin nada di keha pa loke e kantidat di benta. Prinsipalmente na lugá di benda kuminda por a nota reinan bastante largu, voral parti atardi/anochi. 

Ku e kantidat grandi di hende ku tambe ta atrahé for di e islanan besino, Dia di Rincon ta birando un evento ku ta rivalisá ku esun di Regatta pa loke ta trata impakto ekonómiko.