KRALENDIJK- E simadan ku a pasa den kayanan di Kralendijk djarason atardi, konosí komo e Simadan na Honor di Chana ku Doei a resultá un éksito rotundo, ku imágenan bunita i kaminda ku e partisipantenan a gosa di un bon simadan.

E Simadan na Honor di Chana ku Doei ta un simadan ku tradishonalmente ta tene na Playa i ku tabata un inisiativa di Chana ku Doei Diaz.

Despues ku Doei a bin ta fayesé a disidí di tene e tradishon di e simadan na bida i kaminda e nòmber di e simadan ta keda referí na esnan ku bin ku e tradishon aki.