KRALENDIJK – Siman di müziek pa mucha a kuminsa ku hopi ambiente. Ayera atardi den parke libertad ARt Culture Education Foundation a hasi apertura di siman di müziek i alabes selebra nan prome aniversario.

E atardi a kuminsa ku bon müziek di Kunuku Boys ku a toka varios piesa di mucha al estilo rtimo krioyo. Despues Presidente di Art Culture Foundation a hiba palabra i ela hasi un apelashon na mayornan pa entrante e siman aki laga e muchanan tende kantika pa mucha i stop di laganan tende kantika di hende grandi Esaki su konsekuensia ta ku e mucha ta kuminsa hasi kos di hende grandi prome ku su ora.

Durante di e siman aki lo bai tin varios tayer pa mucha na Kristu bon wardador 5:30. Bernardina a pidi pa laga e muchanan partisipa. E programa ta riba e pagina di facebook di acebonaire i tambe kindermuziekweek.nl. 

Obra

Seguidamente ACE KIDS CLUB a presenta e obra musikal AMISTAD. Un obra ku varios mensahe di amista ku kantikanan i tambe baile. Despues di e bunita presentashon a bai over na apertura ofisial di e siman di muzik esaki a sosode pa medio di un count down ku tono di Do Si la sol la si doi ku hopi confeti.

A entrega Representante di Gobiernu un stik ku varios video educativo i ku e kantikanan nobo di Ace kids club. E mesun videonan aki lo bai pa skolnan. E intenshon ta ku durante di e siman aki skolnan tambe lo ta aktivo ku muzik pa mucha.