KRALENDIJK – ACE Foundation djaluna atardi a anunsiá durante di un konferensha di prensa vários proyekto ku e fundashon aki ta bai lidera e aña aki. 

Un di e projektonan ta Siman di muzik pa mucha, ku lo bai selebrá di 21 pa 28 di mei. E aña aki Siman di Muzik e aña aki ta dediká na Gabriel “Gabi” Mercera.

Direktor di ACE Foundation Segni Bernardina a splika ku e Siman di muziek lo keda kargá den dos trayekto. E trayekto di den skol i e trayekto di den bario. Pa loke ta trata e proyekto di den skol mester esaki lo wordu karga pa EKADK ku ta un proyekto pa mas arte den skol. Nan lo bai soru pa  kada skol lo bai risibi varios idea kiko nan lo por hasi durante di e siman di müzik pa nos muchanan. Tambe nan lo risibi varios video di musikonan ku lo konta i/of splika di nan karera komo musiko i tambe di e instrument ku nan ta toka. Banda di esaki tambe nan lo risibi e kantika ofisial di siman di muzik ku e muchanan por siña kanta i balia. Nos lo buska huntu ku skolnan artistanan ku lo soru pa charla workshop of presentashon den skol.

Tur aña

Durante di e konferensha di prensa a entrega Diputado di Kultura James Kroon un proposishon pa bin ku un dekreto pa ankra e selebrashon di siman di muziek tur aña. Diputado Kroon a bisa ku e ta haña esei un bon plan i e lo ke tambe pa bin un buki ku e letranan korekto di kantikanan di antes i tambe kon pa tokanan. 

Huntu ku Almar Nicolaas ta trahando riba renobashon di vários kantika di mucha di antes i lo bai saka esakinan durante di siman pa mucha.