KRALENDIJK – Djaweps 20 di yüni un hòmber di 18 aña di edat a wòrdu detené na Kaya Korona rba sospecho di robo i benta di artikulonan hòrtá. E sospechoso tabata kore riba un skùter ku a wòrdu hòrtá den nochi di 18 di yüni na un kas na Kaya Renata. 

E doño di e skùter a rekonosé su skùter ora e sospechoso tabata riba dje i a yama polis imediatamente. Tambe ela sigui e sospechoso i a logra pone esaki para na un negoshi di kuminda na Kaya Korona.

Na yegada di e patruya di polis, a keda komprobá ku e skuter tabata registrá komo skuter hortá. E sospechoso a wòrdu detené na e situio mes, i a kue e skuter den beslag pa mas investigashon. 

Un ratu despues Polis a hasi bishita na kas un kas riba Kaminda Lagun, kaminda a haña vários artíkulo relevante pa e investigashon,  i a konfiská esakinan tambe. E investigashon di e kaso aki ta inda ta kontinua.