Oranjestad, St. Eustatius- Na nos hermana isla St. Eustatius habitantenan ta kontentu ku nan promé rotonde, ku a wòrdu realisá dor di kontratistanan lokal.

E rotònde a wòrdu konstruí serka di e aeropuerto di St. Eustatius i lo sòru pa un mihó fluho di tráfiko entre aeropuerto i e área di haf.

Konstrukshon di e rotònde ta forma parti di un plan mas grandi pa rehabilitá e kareteranan riba e isla ku pa hopi tempu tabata den estado hopi deplorabel.

Gobièrnu na e isla, huntu ku KPCN dentro di poko lo duna splikashon na habitantenan kon tin ku kore riba e rotònde i kiko ta e reglanan di un rotònde, ya ku nan no tin eksperensia ku esaki ainda.