PARAMARIBO – Sürnam ta menasá di nenga e despensa pa sklabitut di gabinete. For di parlamento Surnameo ta sali krítika fuerte riba e manera ku Hulanda ta atendé, un dia promé ku e bishita pa hasi bon di vise promé minister Sigrid Kaag. Asina De Telegraaf ta informá.

“Di e manera aki nos no por bai nunka di akuerdo; Hulanda ta praktiká polítika di dividí i goberná”, lider di frakshon di NDP Rabindre Parmessar ta bisa.

Un mayoria grandi di parlamento di Sürnam no ta deseá di aseptá despensa di e manera aki. E ta molostiá e partidonan Surnameo ku ta papia si ku organisashonnan di interes, pero no ku gobièrnu i parlamento.

“Ta un kaso hopi serio kon e asuntu a kana te ku awor”, miembro di parlamento di e partido mas grandi di gobernashon VHP, Dew Sharman, ta bisa.

Pasifiká

E vise prome minister Hulandes Sigrid Kaag ta biaha awe pa Sürnam pa konsulta. E ta topa mañan entre otro presidente Chan Santokhi, parlamentarionan i representantenan di organisashonnan sosial.

E último simannan a hiba kòmbersashonnan na Hulanda i otro kaminda tokante e plannan di gabinete pa evitá ku e despensanan aweró no ta kai bon. Sinembargo a disidí na último momentu pa manda señora Kaag Sürnam komo vise prome minister. Segun e mes ta bisa e lo splika e plannan.

Un desishon definitivo riba e interpretashon di dia 19 ta tuma djabièrnè durante konseho di minister, ku normalmente ta kuminsá for di 9’or di mainta. E resultado kasi sigur lo ta definí kaba na momentu ku señora Kaag ta bai sinta na mesa ku polítikonan di Sürnam.