Tin 137 kaso aktivo di COVID-19 na Boneiru

KRALENDIJK – Tin 137 kaso aktivo di COVID-19 na Boneiru awe 14 di òktober 2021. Di e 113 resultadonan di tèst ku a drenta 16 a resultá di ta positivo. E fuente di kontagio ta konosí. Tin 6 persona den hospital pa motibu di COVID-19. 14 persona a rekuperá di COVID-19. 

Pa mas informashon tokante biahe, paisnan di riesgo i reglanan aktual: www.boneirukrisis.com.

Ta importante pa ora bo tin keho bai tèst. Importante ta pa keda warda den karentena. No sali pa bo no kontagiá otro persona. Keda kas pa no kontagiá otro persona pafó. Pa baha e sifra di kontagio ta importante pa mantené e reglanan di higiena. Tene 1,5 meter distansia i laba man ku awa i habon pa evitá kontagio ku e vírùs di corona. 

Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rònt di bo.