Kralendijk – Durante e prome mitar di ougùstùs riba invitashon di Tourism Corporation Bonaire (TCB), un grupo di 7 miembronan di prensa di Merka di diferente medionan di komunikashon manera South Florida Luxury Guide, New York Post, Upscale Magazine, Atlanta Homes & Lifestyles, TripSavvy, i mas a bishitá Boneiru. Un meskla di periodistanan nashonal i regional di merkadonan klave a bishitá Boneiru pa kubri un variedat di topikonan di biahe manera aventura i eksperensianan eksklusivo. Durante nan bishita na nos isla e grupo a keda na Harbour Village Beach Club i a eksperensiá diferente aktividat manera ‘wing foiling’, windsurf, ‘land sailing’ i un tur di nos isla. Adishonalmente un di e miembronan di prensa ta un sambuyado sertifiká i a sambuyá ku Divi Flamingo Beach Resort i tambe ku AB Dive.

Den yüli i kuminsamentu di ougùstùs, TCB a risibí 3 periodista independiente di Brides.com, Fodors.com, Cosmopolitan Magazine, i Miami Times i un fotógrafo na Boneiru. E periodistanan kada un a bishitá Boneiru ku diferente tarea pa skibi tokante nan eksperensia na Boneiru na un variedat di publikashonnan inkluyendo e medionan previamente menshoná i mas. E fotógrafo tabatin komo tarea pa kapturá diferente imahennan di Boneiru manera akomodashonnan di luho te ku diferente aktividatnan rònt di Boneiru. TCB lo uza e imahennan aki pa promoshoná Boneiru den futuro.

Riba invitashon di TCB, direktor di televishon/produktor huntu ku su asistènt a bishitá Boneiru. Pa e programa di televishon italiano Kilimangiaro, nan a bishitá e islanan ABC pa graba esena pa e episodio di e show. Lo por mira e episodio entre òktober 2021 i aprel 2022 na e kanal RAI.

Mas ku 1 mion di hende ta mira e show ‘Kilimangiaro’ tur luna, i e show ta pasa riba djadumingu. Durante di nan estadía na Boneiru, nan a keda na Resort Bonaire i sambuyá 2 biaha ku Dive Friends Bonaire. Tambe nan a eksperensiá otro aktividatnan.

Di e diferente bishitanan di prensa durante ougùstùs, TCB ta kalkulá un alkanse di mas di 10 mion ‘unique viewers’, i mas ku 250.000 sirkulashon. “Ta bon pa mustra nos isla i nos asosashon ku prensa i medionan di komunikashon ta yuda nos komparti nos isla ku mundu kompletu. Tambe nos ta hopi agradesido na e apoyo ku nos ta risibi di nos partnernan lokal den realisashon di e tipo di bishitanan aki. Trahando huntu i kolaborando ta puntonan klave,” a bisa CEO di TCB, Miles Mercera.

TCB ke yama danki na tur e partnernan ku a kolaborá durante e diferente bishitanan di prensa na nos isla.

---

Lesa tambe:

• 
  Gobièrnu di Boneiru ta pidi pa protehá bestia Bestia durante dianan di fiesta 
• 
  Bobbi-Lynn de Jong: Talento Boneriano den deporte di sùrf, kla pa entrenamentunan Hulandes riba IQ-foil
• 
  Pagabon Upgrade
• 
  Di Boneiru pa Universo: e biahe inolvidabel di Ruby Pouchet
• 
  Ministerio Públiko ta eksigí multanan pa aktividat bankario klandestino na Boneiru