WILLEMSTAD- Tui Airlines entrante dia promé di novèmber lo habri su ofisina nobo ku a konstruí na Schottegatweg, pegá ku Burgerking.

Último añanan Tui a invertí bastante den ekspashon di su sentronan di servisio na Kòrsou. Promé a habri un ofisina nobo na aeropuerto di Kòrsou, siguí awor pa un ofisina nobo na Saliña ku ta muchu mas grandi ku esun anterior.

Trabou

Un elemento positivo di Tui su invershonnan ku ta kreando mas trabou na Kòrsou. Ya e aerolinea tin mas ku 100 empleado na trabou riba e isla.

Tui ta sigui ekspandé tambe su ofertanan di buelo. Banda di esaki, Tui ta un partner importante den e hotel mas nobo na Boneiru, Chogogo Time-to-Smile. Ta spera ku Tui tambe lo sigui amplia su kantidat di buelonan pa Boneiru.