Kralendijk- Polis ta komuniká ku nan a konstata vários akto baldadi durante toke di keda, ku ta kuminsá tur anochi 9 ‘or.
Durante di e kontrolnan den kuadro di kumplimentu ku e toke di keda riba djaluna 22 i djamars 23 di mart, polis a konstatá ku intenshonalmente tabata kometé aktonan pa stroba trabounan di polis. Asina tabatin por ehèmpel sendementu di kandela na Kaya Korona, na Kaya Tapajos i na Sentro di Bario Tera Kòrá.
Damsita
A detené dos damsita ku tabata koriendo baiskel despues ku toke di keda a inisiá. Ta trata di e damsitanan di inisial T.J.N. di 16 aña i D.V.C.N. di 18 aña. A detené un terser persona, un hòmber di inisial M.M. di 20 aña, pa sendementu di kandela, pa resistensia durante su detenshon, pa no duna oido na òrdu di polis i pa aktonan baldadi.
E kòntròlnan riba kumplimentu ku e toke di keda ta kontinuá i si ta nesesario polis lo duna prosès ferbal òf hasi detenshon na momentu ku trata di kasonan kastigabel.
Lesa tambe:
Kasonan aktivo di Covid ta sigui baha na Boneiru
Boneiru ta bai introdusí impuesto nobo pa turista
Porfin: Gobièrnu ta tuma un paso di prevenshon kontra di Covid-19
Capitán Miranda ta ripití su bishita na Kòrsou 
