PHILIPSBURG – Despues di e reintrodukshon di un akuerdo di codeshare ku KLM na novèmber, Air France tambe a firma un akuerdo nobo di codeshare ku Winair. E akuerdo segun Winair ta bisa, ta fasilitá i hasi biahe mas komfortabel pa pasaheronan ku ta biaha pa St. Barth, Saba, St. Eustatius, Antigua, St. Kitts, Nevis i Tortola.

Ku e akuerdo aki, Air France ta agregá su number di buelo na e destinashonnan ku Winair ta bula. Pasaheronan por reservá un buelo pa un destinashon di nan eskoho i tin ku kumpra un solo pasashi, ounke kada aerolínea ta bula un parti di e ruta.  Den práktika esaki ku klientenan por hasi check-in na tur lokashon di Air France of Winair, manda nan ekipahe di bodega direktamente pa nan destinashon final i risibí nan tarheta di embarke pa tur buelo den un solo biaha. bètèt di buelo pa tur trayepto di biahe un bia.

“Esaki ta trese hopi bentaha pa pasaheronan i ta kondusí na konekshonnan efisiente ora ta trata di biahenan entra Oropa i ku e kolaborashon ku Air France. Biaheronan por disfrutá di biahenan kumbiniente riba mesun día ku mas fleksibilidat i pas di mente, sabiendo ku Winair ta ofresé un servisio konfiabel i un reputashon di seguridat fuerte,” asina a bisa Hans van de Velde, CEO di Winair a bisa. 

“E kolaborashon aki ta suprayá e konfiansa ku Air France tin den Winair i ta afirmá nos posishon komo un parti di kadena esenshal den e tráfiko di biahamentu regional.”