Kralendijk- E aerolínea di St. Maarten, Winair, lo bai reintrodusí su buelo pa Boneiru. Kaminda ku Winair, promé ku e pandemia di Corona tabata bula Boneiru vários biaha pa siman, awor aki lo trata di un solo buelo pa siman.

E buelonan, manera ta kustumber pa loke ta trata e ruta entre St. Maarten i e islanan ABC, lo wòrdu ehekutá ku un avion ATR di e kompania Air Antilles.

Via di Kòrsou i St. Maarten biaheronan por yega otro distinashonnan den region ku di otro forma lo ta hopi difisil pa yega.