PHILIPSBURG – Riba 15 di novèmber 2024, Winair a lansa su promé buelo pa e isla di Barbados, markando un komienso di su ekspanshon pa tres destinashonnan nobo: Barbados, St. Lucia i St. Vincent.

A selebrá e suseso ku un seremonia na aeropuerto Princess Juliana di St. Maarten den presensia di  Minister di Turismo, Ekonomia, Tráfiko i Telekomunikashon (TEATT), Grisha Heyliger-Marten, i direktor di aeropuerto Brian Mingo.

Segun direktor di Winair, Hans van de Velde, e rutanan nobo ta ofresé pasaheronan for di Barbados, St. Lusia i St. Vincent konekshon ekselente via Sint Maarten pa destinashon na Estados Unidos, Canada i otro parti di mundu. Mingo na su turno a enfatizá e impakto ekonómiko di un mihó konekshon entre e islanan.

Skema 

E skema nobo ta inkluí tres buelo semanal entre St. Maarten i Barbados, ku konekshon pa Martinique i Dominica, i dos buelo semanal ku ta konektá St. Maarten, St. Lusia, i St. Vincent.