Kralendijk- Aktualmente tin 4 piloto di EZ siguiendo treinen na Merka pa bula e avionnan Saab di EZ Air. E pilotonan a pasa e parte teoretiko kaba, i aktualmente ta hasiendo e parti di ‘Simulator Training’.

Di parti di e ekipo Boneriano di piloto di EZ Air, Timothy Vaseur i José Zambrano ta forma parti di e promé grupo ku a bai sigui e treinen na Miami.

Segun José Zambrano, den kombersashon ku AworBonaire a bisa, e treinen ta basta intensivo, pero ‘dushi’. Asina ku e promé grupo yega bek for di eksterior, tin un siguiente grupo ku lo bai pa hasi nan treinen den simulator. Na tur EZ ta empleá masomenos 12 piloto Boneriano. Banda di esei tin un ekipi di piloto di Kòrsou tambe ku ta empleá na e kompania lokal.