WILLEMSTAD – Pakiko no ta konosí, pero e empresario Chines Pow na Barber tin konekshon estrecho ku polis i Belasting Accountantsbureau BAB. Di ámbos instansha el a haña den kasonan separá informashon konfidensial.

Un polis di 36 aña a yam’é pa inform’é ku un detenshon ta na kaminda en konekshon ku un robo di outo i piesanan di outo. Loke e polis no tabata sa ta ku su koleganan tabata skucha e telefon di e empresario Chines.

Durante ku nan tabata skucha, e koleganan a ripará ku un trahadó di 43 aña di BAB, ku ta forma parti di e tim multidisiplinario, a alertá e empresario na Barber ku un inspekshon ta na kamninda.

E polis mester hasi 80 ora di trabou komunitario, e trahadó di BAB a haña 120 ora di trabou komunitario. Àmbos pasobra nan a duna informashon konfidensial.

Wes no a honra e petishon pa kita àmbos kabayero for di trabou. Niun di dos no a aktua ku mal intenshon, segun korte.