Kralendijk- E aña aki tampoko lo por bai kampa kant’i laman den e dianan di Pasku di resurekshon. Esaki gezaghebber Edison Rijna a komuniká den su rueda di prensa djabièrne mainta.

Aunke e asina yamá Nivel di Riesgo 5 por lo pronto ta na vigor te dia 19 di mart, Rijna a primerá kaba ku e aglomerashon tradishonal, kant’i laman lo no ta responsabel.

Esaki ta bira e di dos aña tras di otro ku no por hasi e kampamentu tradishonal kant’i awa den dianan di fiesta. Asina tambe karnaval i Dia di Rincon, tambe a wòrdu kanselá pa e di dos aña konsekutivo.

Di mes no por eksluí ku e medidanan na vigor lo wòrdu alargá si e kantidat di kontagionan na Boneiru no kuminsá baha.

---

Lesa tambe:

• 
  Thuersten Winklaar ta bringa pa e título di Kampion Hulandes na Den Haag
• 
  Prevení Zika, Dengue i Chikungunya
• 
  Zulay Nahr ta kompartí alegria di Pasku ku famianan den nesesidat na Boneiru 
• 
  Winair i KLM reintrodusí akuerdo di kódigo kompartí
• 
  Komishon Herensia Kultural ke protekshon pa identidat di Dia di Rincon