Willemstad – Un hòmber di 28 aña mester bai prison pa un luna pasobra su telefon tabata yen di porno infantil. Pòtrèt i video di mucha  di un pa dos aña te ku 13 aña i ku ta saká entre otro na Kòrsou tambe.

E hòmber tabata pretendé durante di e huisio ku e no a manda e imahennan ei nunka i ku e no por kita nan, pasobra mientras tantu e tabatin mas ku 7.000 pòtrèt riba su tlefon, en todo kaso muchu hopi pòtrèt pa chèk individual i kita nan.

E no a download e pòtrèt – i videonan aktivamente, pero tabata haña nan via gruponan di Whatsapp riba su telefon.

Wes a bai di akuerdo ku e eksigensia di Ministerio Públiko. Esaki pasobra wes tabata di opinion ku e hòmber a mira seriedat di e kaso.