KRALENDIJK- E Sentro di Reskate i Kordinashon (RCC) di Wardakosta awe tardi a risibí un notifikashon di parti di Kuerpo Polisial Karibe Hulandes na Boneiru (KPCN) ku un persona a bira malu durante ku e tabata sambuyando den serkania di ‘Salt Company’. 

Botonan patruyero di Wardakosta ku miembronan di Wardakosta a nabegá mes ora bai na e sitio pa duna asistensha. Na yegada Wardakosta a enkontrá e esposa so di e hòmber sambuyadó. Informashon ku a risibí ta ku su esposo a bira malu na momentu ku el a bini na superfisie despues di sambuyá i bira malu, despues no a mir’é mas. 

Praktikantenan di snòrkel tambe a yuda den un akshon di búskeda pa e hòmber sambuyadó. Finalmente e kurpa sin bida di e hòmber, un turista, a ser hañá den laman pa un miembro di Stinapa.

E kurpa sin bida a keda hibá pa e boto di patruya di Wardakosta na e pir parti Nort i einan a

keda entregá na Koninklijke Marechaussee i KPCN. Wardakosta a deseá famianan di e

defuntu forsa ku e pèrdida di nan ser kerí.