WILLEMSTAD – Polis ta buskando dos mucha muhé ku a bandoná e internat kaminda nan ta keda sin pèrmit i no a regresá mas.

Ta trata di Alicia Richards, un mucha muhé di 14 aña nasé na Kòrsou i Urveline Rafael di 17 aña, tambe nasé na Kòrsou.

Àmbos a bandoná Huize Rose Pelletier dos siman pasá. Un internat ku ta ofresé un kas adekuá pa muchanan muhé studiante, pa ken no ta deseabel pa nan keda den nan propio ambiente pa sirkunstansianan sosial.

Alicia ta 1.70 meter haltu, tin un postura delegá i kabei natural. Su koló di kueru ta maron kla i wowonan maron skur, Urveline ta algu mas kòrtiku, tin tambe un postura delegá i tambe koló di kueru i wowonan maron.

Ta pidi esun ku a mira e muchanan muhé huntu òf separá despues di 11 di òktober of sa unda nan ta keda, pa yama polis na 917 òf na 108 si bo ke keda anónimo.

Wie de meisjes samen of ieder afzonderlijk heeft gezien na dinsdag 11 oktober of weet waar de twee verblijven, wordt gevraagd de politie te bellen op 917 of anoniem op 108.