WILLEMSTAD – Wardakosta i Polis di Kòrsou a interseptá e fin di siman aki dos transporte di droga. E promé botin tabata djasabra mainta, e di dos djadumingu mainta. Tur dos tabata riba laman serka di Kòrsou.

Riba djasabra mainta e radar a detektá un boto sospechoso riba laman. A dirigí un boto di patruya Metal Shark den direkshon di e boto sospechoso. Tabatin kuater hòmber Venezolano a bordo i tambe paketenan di droga. Na tur tabatin 440 kilo di droga, partí den masoménos 192 kilo di kokaina i 248 kilo di mariwana.

Djadumingu mainta tabata bingo atrobe. A bolbe deskubrí un barku chikitu sospechoso den e awanan teritorial di Kòrsou, serka di un di e bokanan na altura di Seru Kristòf. E momentu ei ya a entregá e droga kaba na tera. Den kurso di dia di awe lo duna mas detaye di e transporte aki.